Veltibíllinn

Veltibíllinn er í eigu Brautarinnar – bindindisfélags ökumanna og Sjóvá en Hekla útvegar bíl í verkefnið. Fyrsti veltibíllinn í íslenskri eigu kom til landsins árið 1995. Bíllinn var af gerðinni VW Golf en kerran var smíðuð á Íslandi. Síðan þá hefur þrisvar verið skipt um bíl. Árið 2000, 2005 og 2010.

Veltibíllinn hefur í gegnum tíðina haft mikið aðdráttarafl og hefur enn. Það er vinsælt að fá bílinn í heimsókn í skóla, félagsmiðstöðvar, fyrirtæki, verslanir, hátíðir og fleira. Síðan 1995 hafa verið farnar yfir 250.000 veltur og nærri lætur að þriðjungur þjóðarinnar hafi prófað bílinn.

Á þessari síðu er hægt að fá upplýsingar um bílinn og eigendur hans. Einnig má sjá myndir af bílnum í notkun.